सहा दादुले केले परि म्यां ऐसा नाहीं देखिला दादुला । काया वाचा रमलें त्याशीं परि म्यां ऐसा नाहीं देखिला दादुला ॥ १ ॥
सौरी झालें सौरी सखेबाई झालें त्याची नवरी ॥ध्रु०॥
नग्न होउनि भोगिला पुरुष म्यां ऐसा नाहीं देखिला दादुला । देतो गोड गोड खाया परि म्यां ऐसा नाहीं देखिला दादुला ॥ २ ॥
केला संसार गोड परि म्यां ऐसा नाहीं देखिला दादुला । याचे मनाची पुरविली खोड परि म्यां ऐसा नाही देखिला दादुला ॥ ३ ॥
ऐसी सौरी झालें परि म्यां नाहीं देखिला दादुला । एका जनार्दनीं नमिलें पायीं ऐसा नाहीं देखिला दादुला ॥ ४ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
