जो जो जो जो रे गजवदना । पतीतपावना ।

निद्रा करि बाळा गजवदना । मुत्युंजय नदंना ॥धृ॥

पाळणा बांधियला जाडिताचा । पालख या सोन्याचा ।

चांदवा लाविला मोत्यांचा । बाळ निजवी साचा ॥१॥

दोर धरुनिया पार्वती । सखियांसह गीत गाती ।

नानापरी गुण वर्णाती । सुस्वर आळवीती ॥२॥

निद्रा लागली सुमुखाला । सिंदुर दैत्य आला ।

त्याते चरणाने ताडिला । दैत्य तो मारिला ॥३॥

बालक तान्हे हे बहुकारी । दैत्य वधिले भारी ।

करिती आश्‍चर्य नरनारी । पार्वती कोण उतरी ॥४॥

ऎसा पाळणा गाईला । नानापरी आळविला ।

चिंतामणि दास विनविला । गणनाथ निजविला ॥५॥

आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel