सुखसदने शशिवदने अंबे मृगनयने ।
गजगमने सुरनमने कोल्हापुरमथने ॥
सुरवर वर्षति सुमनें करुनियां नमनें ।
भयहरणे सुखकरणे सुंदरी शिवरमणे ॥ १ ॥
जय देवी जय देवी वो जय अंबे ।
कोल्हापुराधिस्वामिणि तुज वो जगदंबे ॥धृ. ॥
मृगमदमिश्रित केशर शोभत तें भाळीं ।
कुंचित केश विराजित मुगुटांतून भाळीं ।
रत्नजडित सुंदर अंगी कांचोळी ।
चिद्‌गगनाचा गाभा अंबा वेल्हाळी ॥ जय. ॥ २ ॥
कंठी विलसत सगुण मुक्ता सुविशेषें ।
पीतांबर सुंदर कसियेला कांसे ।
कटितटि कांची किंकिणि ध्वनि मंजुळ भासे ।
पदकमळलावण्यें अंबा शोभतसे ॥ जय. ॥ ३ ॥
झळझळ झळझळ झळकति तानवडें कर्णी ।
तेजा लोपुनि गेले रविशशि निज करणीं ।
ब्रह्महरिहर सकळिक नेणति तव करणी ।
अद्‌भुत लीला लिहितां न पुरे ही धरणी ॥ जय. ॥ ४ ॥
अष्टहि भूजा सुंदर शोभतसे शोभे ।
झगझग झगझग झगति लावण्यगाभा ।
म्हगम्हग म्हगम्हग म्हगीत समनांची शोभा ।
त्र्यंबक मधुकर होउनि वर्णितसे अंबा ॥ ५ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel