कामक्रोधदिक वैरी धूप जाळीतों ।
जंव जंव धूप जळे तंव तंव सुवास निघतो ॥ १ ॥
अनादि आदि माया ब्रह्मणि पंचारती करितो ।
पंचप्राण पंचक तत्वे पंचदेहसह तो ॥ धृ. ॥
त्रिविधताप त्रिकाळदीप सन्मुख लावीतों ।
शोक भय चिंता दैन्य स्वरूपी मावळतो । अनादि. ॥ २ ॥
उपहाराते भक्ती भावादिकांसी ठेवीतो ।
दया क्षमा शांति नमुनी नैवद्य देतो ॥ अनादि. ॥ ३ ॥
अमृतपान सत्रावी आणि प्रेम अर्पितो ।
अष्टांगे नमुनी मानस पूजा उल्हासें करितो ॥ अनादि. ॥ ४ ॥
आनंदाने सच्चिदानंदपरब्रह्म वाहतों ।
सगुण स्वरुपीं शांतादुर्गा कुळदैवत ध्यातो ॥ अनादि. ॥ ५ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
