जय देवी आद्यरूपे भुवनसुंदरी ।
पंचारति करितो तुज हे महेश्वरी ॥ धृ. ॥
निर्गुणाशि सगुणत्व तूंचि आणिले ।
अवघें हें विश्व तुझें रूप शोभले ॥
नपुंसक ना स्त्री न पुरुष तुचि मोहिले ।
मीतूंपणा हरुनि ज्ञानदीप दे करी ॥जय देवी. ॥ १ ॥
सर्व जगी व्यापुनियां खेळ खेळसी ।
ब्रह्मादिक सुर नर तुज ध्यातिं मानसी ॥
शुंभनिशूंभादि वधुनि देव रक्षिसी ।
नकळें तव पार कदा पापगिरी हरी ॥जय देवी ॥ २ ॥
हरिहर विधि करिति नवस जननि तुजप्रति ।
जे जे वर मागति ते देसि त्यांप्रती ॥
विठ्ठलसुत बलवत्कवि शरण तुज अती ।
मागतसे अभयवरा देई झडकरी ॥ जय. ॥ ३ ॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे signup करून स्वतः प्रकाशित करा. अतिशय सोपे आहे.
Please join our telegram group for more such stories and updates.telegram channel